شرح سحب الاموال واستقبال الاموال في باي بال بفيزا البريد المصري حصرياً 2016

 شرح سحب الاموال واستقبال الاموال في باي بال بفيزا البريد المصري حصرياً 2016

السلام عليكم ورحمه الله بركاته

اهلاً بكم اعضاء مدونه "محمود فوكس" 

انهارده معانا شرح في غاية الروعه عن الباي بال المصري وهنحل كل المشاكل ان شاء الله

الباي بال طبعاً هوا اكثر البنوك استخداماً علي الانترنت  ومينفعش اننا نكون في 2016 ولسه معندناش حساب علي باي بال  طيب احنا هنتعلم ايه في الدرس ده والي هيمتدد لمده اسبوع ؟

1- ازاي تعمل حساب باي بال مصري

2- ازاي تقدر تفعل الحساب

3- ازاي اقدر اخلي الحساب يستقبل الاموال بعد ما افعله

4-ازاي اقدر اسحب الاموال الي في الحساب علي الفيزا بتاعتي (وده الحصري الي معانا انهارده)

طيب دلوقتي الناس هتسئل شويه اسئله كدا 

س : هل ممكن اقدر ادفع في المواقع واشتري من النت بالباي بال المصري

ج: نعم انت تقدر تشتري من اي موقع بحسابك في باي بال الي بيكون مربوط بفيزا او ماستر كارد فيها رصيد كافي للشراء

س : الفيزا او الماستر كارد الي معايا مفيهاش رصيد وانا معايا رصيد في حسابي في الباي بال ومش عارف اشتري ولا احول فلوس لحد

ج : للاسف دي مشكله الحساب المصري انك عشان تحول فلوس لحد او تشتري حاجه من النت لازم الباي بال يسحب من الفيزا بتاعتك وليس من رصيد الحساب

س : طيب منا كدا لو معايا مثلاً 100 دولار في حسابي مش هعرف استخدمهم نهائ في الشراء او اني اسحبهم علي الفيزا

ج: لا هتعرف تشتري بس لازم الاول تسحب الفلوس علي الفيزا دي 

س : الفيزا او الماستر كارد مش قابله السحب من باي بال

ج : مهوا عشان الحساب مصري لازم يكون معاك فيزا وليس ماستر كارد عشان تقدر تسحب عليها الفلوس 

س : جربت اكثر من فيزا وفشلت في السحب 

ج: الحل في 3 انواع فقط من الفيز في مصري حتي الان

1- فيزا ديكسي باي ودي سعرها غالي وعمولتها عالية سعرها حوالي 235 جنيه بتطلبها من موقع كارد اكسبرس

2- فيزا كريديت كارد ودي بتكون مربوطه بحساب بنكي وده طبعاً سعره عالي جداً لانك لازم تحط فلوس في البنك مش اقل من 2000 جنيه 

3- فيزا البريد المصري ودي رخيصه جداً والي هيبقي موضعنا انهارده عنها

ندخل بقي في شرح الموضوع بتاعنا

المرحله الاول - 18-2-2016

عمل حساب باي بال مصري وربط بنك بايونير بالطريقه الصحيحه (خارج موضعنا اليوم ده شرح للي مش عاوز يعمل فيزا البريد)

شرح عمل تفعيل للحساب البنكي بعد وصول المبلغين  وتاكيد استلام الاموال علي الحساب (خارج موضعنا اليوم ده شرح للي مش عاوز يعمل فيزا البريد)

ندخل بقي في الشرح الحصري والانفراد بتاعنا 

المرحله التانية - 6-3-2016

شرح عمل فيزا البريد المصري وتفعيلها
اول حاجه تبقي معاك علي الاقل 130 جنية لية بقي
هتروح مكتب البريد بتاعك ويفضل لو انت في القاهره تنزل العتبة مكتب البريد الرئيسي هناك وتقولهم انا عاوز الفيزا المسبوقة الدفع الي ب 30 جنية ودي منها 3 اشكال

 واحده فيزا بيزنس مان وواحده فيزا يوث (الشباب) وواحده فاميلي كارد (كارت العائلة) والتلاته زي بعض بس بالضبط بس فرق اسماء بس وشكل مش اكتر بعد كدا هيقولك هات ال 30 جنية وصورة البطاقة بتاعتك وعليها ارقام تليفونك حلو اوي بعد كدا هتستني خمسه بس عبال ما يملي بيانات البطاقة بتاعتك علي الكمبيوتر عنده ورقم الفيزا بتاعك بياخده من علي الظرف الي هيسلمهولك وهيقولك اتصل بالرقم ده عشان تفعل البطاقة (الرقم اسفل الصور)وبس كدا نيجي بقي بقي نستلم الظرف ونروح البيت زي الحلوين كدا نفتحه عشان نفعل البطاقة 

1- ده شكل الظرف نفتحه

 2- هنلاقي الورقه دي وفيها الفيزا بتاعتنا وفيه شوية تعليمات ياريت تبص عليها وهتفيدك بعد كدا

وهتلاقية بيقولك اقل حاجه انك تحطها في البطاقة

3- ده شكل الفيزا الي لقينها ملزوقه في الورقه والي انا جبتها وده من نوع family الي قولت عليه فوق
ودي الي احنا هنجرب عليها التجربة بتاعتنا في الموضوع ده 

دي شكل تاني للفيزا اسمها youth ودي نفس الي فوق فرق الاسم فقط والشكل 

دي شكل ثالث للفيزا اسمها businessmen ودي نفس الي فوق برضو  فرق فقط في الاسم والشكل  

 

4- جميل جداً كدا احنا شفنها الفيزا تعالو بقي نفعلها طبعاً قولت لك انه هيقولك اتصل بالرقم ده لتفعيل الفيزا وادي الرقم اهو يا سيدي عشان متتعبش نفسك وتدور علية لو ضاع منك او نسيته 

 هتتصل بالرقم ده هيرد عليك حد من خدمه العملاء هتقوله عاوز افعل الفيزا هيقولك هات رقم الكارت الي علي الفيزا الكبير اوي ده تدهوله هيقولك اسمك ايه ورقمك كام هتقولي طبعاً رقم ايه هقولك رقمك الي قولت لك اكتبه علي صورة البطاقة وانت بتديها للراجل الي في الشباك الي جبت منه الظرف اشطا المهم هيقولك هات رقم البطاقة تدهوله ومبروك كدا انت فعلت الفيزا 

5- هنجري جري علي مكتب البريد ونخش علي الي اعد علي الكمبيوتر تقوله عاوز اشحن الفيزا دي ب 100 جنية (لازم تشحنها اقل حاجه ب 100 جنية عشان تسحب منها 15 جنية خدمه تفعيل الباي بال ) هيقولك هات رقم الفيزا وال 100 جنية وهيديك وصل واتاكد ان الوصل الي هيدهولك هيبقي مكتوب عليه اسمك اوتوماتيك من غير ما حتي تقوله انت اسمك ايه لان ظهور اسمك كامل علي الوصل الي مطبوع ده بيدل فعلاً ان البطاقة الفيزا وصل فيها ال 100 جنية تمام كدا خلصنا المرحله التانية استنو شرح المرحله الجاية بالفديو بقي

المرحله التالته - 7-3-2016

جزء اول |  شرح تفعيل حساب الباي بال بفيزا البريد المصري 
بنستني 3 ايام ونتصل بالبريد عشان نعرف كود التفعيل وندخله بعدها في الباي بال

المرحله الرابعه -8-3-2016

 ادخال الكود بعد ما نعرفه من خدمه عملاء البريد و شرح عمل سحب للاموال في حساب باي بال بفيزا البريد المصري

المرحله الخامسه - 10-3-2016

تاكيد سحب الاموال من الصراف الالي بفيزا البريد المصري

الحمد لله الرصيد وصلي في الفيزا بعد يومين فقط :D 
وتروح تسحبه ببلاش مش اي مكتب بريد او من ATM بخصم 8 جنية